Nú er verið að leggja slitlag í Víðidal. Fólk er hvatt til að aka varlega í kringum vinnuvélar og á nýju klæðningunni.

Sumir vegir eru að verða góðir. Sérstaklega þar sem búið er að hefla eins og Vatnsnesveg að vestan.

Það er magnað gott veður á Hvammstanga núna.

Það er fallegur himininn en hvar eru myndirnar teknar?

Já, eins og stendur hér að ofan er þessi borvél nú stödd á Melstað þar sem menn freista þess að finna kalt vatn fyrir bæinn.

Vatnslaust hefur orðið nokkrum sinnum í sumar og haust vegna þurrka og því var tekið á það ráð að bora eftir vatni.
Miðað við það sem Séra Guðni sagði mér þá eru miklar líkur á að vatn komi í ljós á þessum slóðum. Þegar myndirnar voru teknar var búið að bora niður á um 80 metra dýpi en ekkert vatn var þá komið enn. 

Fleiri myndir í albúminu hér.

Nýja flotbryggjan er komin á staðinn sinn í smábátahöfninni. En hvernig stendur á því að hún er ekki notuð? Er hún kannski óþörf eftir allt saman?

Hér eru smá upplýsingar fyrir þá sem ekki muna opnunartíma Hirðu.

Afsakið ágætt lesendur, en ég hef verið utan þjónustusvæðis seinustu daga. Þ.e.a.s. á austfjörðum í vellistingum hjá Ingibjörgu og Hinna, og þeirra fjölskyldum. Ég læt fylgja hér myndir sem ég hef tekið en þær eru teknar í Mjóafirði. 

Efri myndin er af skilti sem segir til um nafn á á einni er rennur ofan af fjalli og heitir þessu skrítna nafni.

Neðri myndin er af bænum Dalatang en lengra verður ekki komist á bíl þarna út með Mjóafirðinum að austan verðu.

Nú hefur verið settur upp 3G sendir við Víðigerði í Víðidal. Þetta þýðir að það er komið 3G samband, svo kallað háhraða netsamband sem virkar bæði í 3G gsm símum og fyrir tölvur fái maður sér netpung. Ágætis samband er í Víðidal en frekar lélegt í Vesturhópi. Reyndar er gott samband við austanvert Vesturhópsvatn en að vestan verðu í Vesturhópi er lélegt 3G samband.

Af þessu tilefni koma hér myndir sem teknar voru núna rétt áðan (um kl 11:35) og spurningn er erfið í þetta skiptið. Spurt er, hvað sést á myndunum?

Tölvupósturinn var sendur úr Sony Ericsson farsíma í gegnum 100% samband við 3G kerfi við Borgarvirki.

Þá er komið að myndagetraun.

Sjálfsagt hafa einhverjir ekið yfir þessa brú og pælt mikið í því afhverju hún sé staðsett þar sem hún er. Og til að gera spurninguna dálítið erfiðari þá er myndin í "nekatívu". Spurningin er sem sagt: Hvað heitir áin sem rennur undir þessa brú?

Viðhaldsvinna á brú yfir Syðri Hvammsá er að komast á fullt. Hér sjáum við fyrstu handtökin við smíði á nýja hlutanum. Hallmundur Guðmundsson er hér að slá upp mótum sem á að steypa undirstöðukubba í.

Hér er svo Hallmundur að lokka mig inn í vagn til sín til þess að sýna mér alla gersemina þar inni.

Og það er margt að sjá inni í vagninum... svo sannarlega.

Þá eru það vorverkirnir. Þeir felast í því að gera við skemmdir sem verða á slitlaginu úti á vegum. Hér sést í Baldvin þar sem hann er að ditta að tjörukerrunni. Einnig var Ingibjörn við vorverkin. Hans hlutverk var að plokka nagla úr vetrardekkjum undir einum vegagerðarbílnum.